మహాకవి శ్రీ శ్రీ శత జయంతి 1910 - 2010
కుక్కపిల్లా,
అగ్గిపుల్లా,
సబ్బు బిళ్ళా -
హీనంగా చూడకు దేన్నీ !
కవితా మయమేనోయి అన్నీ !
రొట్టె ముక్కా ,
అరటితొక్కా ,
బల్ల చెక్కా -
నీ వేపే చూస్తూ ఉంటాయ్ !
తమ లోతు కనుక్కోమంటాయ్ !
తలుపు గొళ్ళెం ,
హారతి పళ్ళెం ,
గుర్రపు కళ్ళెం -
కాదేదీ కవితకనర్హం !
ఔ నౌను శిల్పమనర్ఘం !
ఉండాలోయ్ కవితవేశం !
కానీవోయ్ రసనిర్దేశం !
దొరకదటోయ్ శోభాలేసం ?
కళ్లంటూ ఉంటే చూసి ,
వాక్కుంటే వ్రాసీ !
ప్రపంచమొక పద్మ వ్యూహం !
కవిత్వమొక తీరని దాహం !
( మహాప్రస్థానం - 1950 )
ఋక్కులు (14-04-1934 )
Wednesday, January 14, 2009
జయభేరి
మహాకవి శ్రీ శ్రీ శత జయంతి 1910 - 2010
జయభేరి
నేను సైతం
ప్రపంచాగ్నికి
సమిధనొక్కటి ఆహుతిచ్చాను !
నేను సైతం
విశ్వవృష్టికి
అశ్రువొక్కటి ధారపోశాను !
నేనుసైతం
భువన ఘోషకు
వెర్రిగొంతుక విచ్చి మ్రోశాను !
* * *
ఎండాకాలం మండినప్పుడు
గబ్బిలంవలె
క్రాగిపోలేదా ?
వానాకాలం ముసిరిరాగా
నిలువు నిలువున
నీరుకాలేదా ?
శీతకాలం కోతపెట్టగ
కొరడుకట్టీ
ఆకలేసీ కేకలేశానే !
* * *
ప్రపంచాగ్నికి
సమిధనొక్కటి ఆహుతిచ్చాను !
నేను సైతం
విశ్వవృష్టికి
అశ్రువొక్కటి ధారపోశాను !
నేనుసైతం
భువన ఘోషకు
వెర్రిగొంతుక విచ్చి మ్రోశాను !
* * *
ఎండాకాలం మండినప్పుడు
గబ్బిలంవలె
క్రాగిపోలేదా ?
వానాకాలం ముసిరిరాగా
నిలువు నిలువున
నీరుకాలేదా ?
శీతకాలం కోతపెట్టగ
కొరడుకట్టీ
ఆకలేసీ కేకలేశానే !
* * *
Subscribe to:
Posts (Atom)